1 / 21

Ziepc Diuh Lingc Cuotv I^yipv 20:1-17 Hnoi: 8-2-2009

Ziepc Diuh Lingc Cuotv I^yipv 20:1-17 Hnoi: 8-2-2009.

laurence
Download Presentation

Ziepc Diuh Lingc Cuotv I^yipv 20:1-17 Hnoi: 8-2-2009

An Image/Link below is provided (as is) to download presentation Download Policy: Content on the Website is provided to you AS IS for your information and personal use and may not be sold / licensed / shared on other websites without getting consent from its author. Content is provided to you AS IS for your information and personal use only. Download presentation by click this link. While downloading, if for some reason you are not able to download a presentation, the publisher may have deleted the file from their server. During download, if you can't get a presentation, the file might be deleted by the publisher.

E N D

Presentation Transcript

  1. Ziepc Diuh Lingc Cuotv I^yipv 20:1-17 Hnoi: 8-2-2009

  2. “Tin-Hungh gorngv naaiv deix yietc zungv waac. 2 "Yie se ZIOUV, meih mbuo nyei Tin-Hungh, dongh dorh meih mbuo cuotv I^yipv Deic-Bung, zuqc zoux nouh nyei deic-bung wuov dauh. 3 "Cuotv liuz yie, maiv dungx zaangc ganh dauh zienh. 4 "Maiv dungx weic ganh zoux haaix nyungc miuc-fangx. Maiv gunv yiem gu'nguaaic lungh, yiem ga'ndiev ndau, fai yiem ndau-ndiev nyei wuom gu'nyuoz haaix nyungc nyei fangx.”

  3. 5 Maiv dungx gueic njiec baaix naaiv deix miuc-fangx yaac maiv dungx zaangc, weic zuqc yie, ZIOUV, meih mbuo nyei Tin-Hungh, nzaeng jienv meih mbuo. Yie oix dingc nzorng yie wuov deix mienh nyei zuiz, dingc taux ninh mbuo nyei buo biei doic zeiv-fun. 6 Mv baac haaix dauh hnamv yie, ei jienv yie nyei leiz-latc zoux, yie ziouc hnamv ninh jiex mingh taux yietc cin doic.

  4. 7 "Maiv dungx la'guaih longc ZIOUV, meih mbuo nyei Tin-Hungh, nyei mbuox. Haaix dauh la'guaih longc ZIOUV nyei mbuox, ZIOUV oix dingc wuov dauh nyei zuiz. 8 "Oix zuqc jangx jienv longc Dingh Gong Hnoi benx norm cing-nzengc hnoi. 9 Maaih juqv hnoi zoux meih mbuo nyei yietc zungv gong. 10 Mv baac da'cietv hnoi wuov hnoi se Dingh Gong Hnoi weic fungx bun ZIOUV. Wuov hnoi maiv dungx zoux haaix nyungc gong. Meih mbuo ganh caux meih mbuo nyei naamh nyouz, meih mbuo nyei nouh gauv nouh beiz, meih mbuo nyei saeng-kuv, fai yiem meih mbuo nyei zingh nyei ganh fingx mienh yaac maiv dungx zoux haaix nyungc gong.

  5. 11 Weic zuqc ZIOUV longc juqv hnoi zeix lungh zeix ndau zeix koiv caux yiem naaiv deix gu'nyuoz nyei yietc zungv ga'naaiv. Mv baac siec hnoi wuov hnoi Tin-Hungh dingh gong aqv. Weic naaiv ZIOUV ceix fuqv wuov norm hnoi benx ninh nyei cing-nzengc hnoi. 12 "Oix zuqc tongx nimc meih mbuo nyei diex maac, meih mbuo cingx daaih ziangh duqv siouc nyuonh ndaauv yiem ZIOUV, meih mbuo nyei Tin-Hungh, jiu bun meih mbuo nyei deic-bung

  6. 13 "Maiv dungx daix mienh. 14 "Maiv dungx hienx auv hienx nqox. 15 "Maiv dungx zoux zaqc. 16 "Maiv dungx zoux jaav zorng-zengx hoic mienh. 17 "Maiv dungx mauv mienh nyei biauv. Maiv dungx mueic jieqv mienh nyei auv, mienh nyei nouh gauv nouh beiz, mienh nyei ngongh fai lorh fai ninh maaih nyei haaix nyungc ga'naaiv.”

  7. Biux Mengh Waac Naaiv se Tin-Hungh nyei ziepc diuh lingc, Tin-Hungh nyei ziepc diuh se jienv haic nyei lingc yiem naaiv lungh ndiev, maiv gunv sienx nyei mienh fai maiv sienx nyei mienh dauh dauh zungv oix zuqc muangx, oix zuqc mbuoqc, oix zuqc gan. Lungh ndiev baamh mienh dauh dauh zungv yiem Tin-Hungh nyei leiz-latc ga’ndiev maengx, se gorngv haaix dauh mienh doix-dekc fai zoux dorngc Tin-Hungh nyei ziepc diuh lingc nor, ninh zungv yiem Tin-Hungh nyei zioux ga’ndiev, wuov dauh nyei maengc yietc liuz maiv maaih longx nyei jauv bun ninh nyei maengc.

  8. Nyungc zeiv, se hnangv zoux doqc, ki diex maac, maiv tongx nimc diex maac, daix mienh, hienx auv hienx nqox, zoux zaqc, zoux jaav zorng-zengx, maiv fiou fim, naaiv deix yietc zungv sic, fai maiv sienx nyei mienh dauh dauh zungv oix zuqc fiou naaiv deix leiz, se gorngv haaix dauh maiv fiou fai doix-dekc naaiv deix leiz nor, ninh zungv oix zuqc dingc zuiz yiem buonh sin, yaac yiem lingh wuonh. Tin-Hungh nyei ziepc diuh lingc se maaih hnangv naaiv:

  9. 01. Cuotv Liuz yie, maiv dungx zangc ganh dauh Zienh. 02. Maiv dungx weic ganh zoux haaix nyungc miuc-fangx. 03. Maiv dungx la’guaih longc Ziouv meih mbuo Tin-Hungh nyei mbuox. 04. Oix zuqc jangx jienv longc Dingh Gong Hnoi benx norm cing-nzengc hnoi. 05. Oix zuqc tongx nimc meih mbuo nyei

  10. 6. Maiv dungx daix mienh. 07. Maiv dungx hienx auv hienx nqox. 08. Maiv dungx zoux zaqc. 09. Maiv dungx zoux jaav zorng-zengx hoic mienh. 10. Maiv dungx mueic jieqv mienh nyei jaa-dingh.

  11. I. Tin-Hungh nyei ziepc diuh lingc se maaih camv norm mbuox nyei: 1. Yiem Cuotv I^yipv 24:12, heuc la’bieiv-benv nyei leiz-latc. 2. Yiem Cuotv I^yipv 34:28: ngaengc waac; ziepc diuh leiz-latc fiev jienv i kuaaiv la’bieiv-benv.

  12. 3. Yiem Nzamc Leiz-Latc 9:9, “Ziouv caux meih mbuo liepc nyei ngaengc waac.” Nzamc Leiz-Latc 4:13, “I kuaaiv la’bieiv-benv.” Nzamc Leiz-Latc 9:10-17. 4. Yiem (Cuotv I^yipv 16:34); (Cuotv I^yipv 25:16), “Laengz nyei Ngaengc Waac.” (Cuotv I^yipv 31:18). 5.Yiem Siang-Ging-Sou, m’daaih heuc leiz-latc (Matv^taai 19:17).

  13. II. Yiem Siang-Ngaengc Waac, Yesu zorqv naaiv deix ziepc diuh lingc bun nqoi zoux i diuh: 1. “Oix zuqc longc nzengc hnyouv, longc nzengc za’eix, longc nzengc cong-mengh hnamv Ziouv, meih nyei Tin-Hungh. Naaiv se hlo jiex gauh longc jienv jiex nyei leiz aqv. Da’nyeic diuh yaac fih hnangv nyei, oix zuqc hnamv mienh hnangv hnamv ganh nor. Mose nyei leiz-latc caux zuangx douc waac mienh njaaux nyei yietc zungv longc naaiv deix i diuh leiz zoux gorn.” (Matv^taai 22:37-40)

  14. 2. Nyungc zeiv, meih haih gorngv mbuox meih nyei auv, nqox, fai fu’jueiv “yie hnamv meih nyei” mv baac maiv zoux yietc nyungc biux mengh gorngv meih hnamv…zoux nyei doic-dekc meih gorngv nyei fungc haih biux mengh gorngv meih hnamv fai meih gorngv nyei se zien. Leiz-latc bun sienx nyei mienh haih biux mengh ninh mbuo sienx nyei, weic zuqc ninh mbuo ei jienv leiz-latc zoux

  15. 3. Zien-zien nor naaiv deix ziepc diuh lingh naaic ziepc joux waac mbuo. “Meih taaih haaix nyungc gauh hlo jiex zien Ziouv nyei fai? Maaih haaix nyungc yiem maengc meih dorh daaih longc zoux gauh jienv jiex Tin-Hungh nyei fai? Meih la’guaih longc Ziouv nyei mbuox nyei fai? Meih zoux nyei gong gauh jienv Tin-Hungh fai? Meih tongx nimc meih nyei diex maac nyei fai?

  16. Meih hiuv duqv mienh nyei maengc se jaaix nyei fai? Meih ziepc zuoqv bun meih nyei auv/nqox nyei fai? Meih zieqv duqv mienh maaih nyei se mienh nyei, maiv zeiz meih nyei, nyei fai? Meih gorngv nyei waac zien nyei fai? Meih mueic jieqv mienh nyei ga’naaiv nyei fai; fai meih a’hneiv Tin-Hungh bun ganh dauh maaih dongh ninh mbuo maaih nyei fai? Mbuo hnangv haaix nor dau naaiv deix waac biux mengh mbuox mbuo hnangv haaix nor caux Tin-Hungh jiu tong, mbuo hnangv haaix nor sienx. Leiz-latc se mbuox mbuo hnangv haaix nor zoux horpc Tin-hungh yaac caux duqv mienh njiec.

  17. 4. Da’yietv diuh lingc mingh taux da’feix wuov diuh lingc mbuox mbuo hnangv haaix nor caux Tin-Hungh jiu tong. Da’hmz mingh taux da’ziepc gorngv mbuox mbuo hnangv haaix nor caux mienh jiu tong. Yiem Maako sou 12:29-31 Yesu nzutv zunv ziepc diuh lingc gorngv “Yesu dau, “Gauh longc jienv jiex nyei leiz se dongh naaiv. ‘I^saa^laa^en Mienh aac, muangx longx oc. Mbuo nyei Ziouv, Tin-Hungh, se nduqc dauh Ziouv hnangv.

  18. 30 Yaac oix zuqc longc nzengc hnyouv, longc nzengc za'eix, longc nzengc cong-mengh, yaac longc nzengc qaqv hnamv Ziouv meih nyei Tin-Hungh.’ 31 Da'nyeic diuh longc jienv jiex nyei leiz yaac dongh naaiv, ‘Oix zuqc hnamv mienh hnangv hnamv ganh nor.’ Maiv maaih haaix diuh leiz gauh longc jienv jiex naaiv deix i diuh aqv.”

  19. 5. Ih jaax hnoi nyei mienh camv oix “maiv dungx daix mienh, maiv dungx zoux zaqc, maiv dungx hienx mienh nyei auv/nqox, tongx nimc diex maac”, maiv maaih haaix dauh maiv oix naaiv deix lingc, mv baac bun mienh maaih sic se da’yietv wuov diuh lingc: Maiv dungx zangc ganh dauh zienh, kungx zangc Ziouv ganh hnangv.

  20. Lengc jeiv nyei mbuo Iu-Mienh camv nyei sienx zorpc, Tin-Hungh maiv bun sienx zorpc, sienx camv-nyungc zienh. Maiv bun sienx zienh, kungx sienx Ye^ho^waa hnangv. Maiv bun haaix nyungc daaih nqaeqv jienv Tin-Hungh caux sienx ninh nyei mienh.

  21. Setv Mueiz Waac: Dorh Ging-Sou daaih longc nyei jauv Maiv dungx zangc ganh dauh zienh, cuotv liuz Tin-Hungh mbuo maiv horpc zuqc dorh haaix nyungc ga’naaiv zoux Ziouv nqaeqv mbuo caux Tin-Hungh. Nyungc-nyungc mbuo zoux nyei sic, da’faanh mbuo funx gauh jienv bun mbuo nyei maengc, fai benx da’yietv yiem mbuo nyei maengc nor, Tin-Hungh gorngv naaic se mbuo dorh daaih nqaeqv ninh caux mbuo aqv, naaic se mbuo zangc gauh dauh zienh aqv.

More Related